TƏBİB rəsmisi görülən işlərdən danışdı

Elektron reseptlər gələn ilin əvvəlində hazır olacaq.

Bu barədə Tibbi Ərazi Bölmələrini İdarəetmə Birliyinin icraçı direktorunun müavini Araz Nəsirov məlumat verib.

“Ölkədə qeydiyyatda olan bütün dərmanlar stasionar şəkildə vətəndaşlara verilir. Yaxşı olardı ki, ambulator şəraitdə də dərmanlara əlçatanlıq olsun”, – deyə o qeyd edib.

TƏBİB-in rəsmisi vurğulayıb ki, elektron resept də demək olar hazırdır: “Hər bir qurum bu sahədə hazırlıq işləri görür. Hesab edirəm ki, gələn ilin əvvəlində səhiyyənin ən böyük əskik hissəsi həll olunmuş olacaq”.