Tıxacın keçilməz etdiyi Bakı-Quba yolu

Bakı-Quba yolunda aparılan təmir işləri nəqliyyatın hərəkətində çətinlik yaradır. Söhbət yolun Şabrandan keçən hissəsindən gedir.

Magistral yolda təmir işləri aparıldığından sürücülər alternativ yoldan istifadə edirlər. Bu isə avtomobillərin hərkətində sıxlığa səbəb olur.

Bəzi sürücülər təmir işlərinin insanların məznuniyyətə çıxıb, istirahət üçün turizm zonalarına üz tutduğu vaxtda aparılmasını düzgün hesab etmirlər.

Bununla yanaşı, sürücülər yolda təmir işlərinin hissə-hissə aparılmasından şikayətlənirlər.

Bakı-Quba yolunun təmir işləri aparılan hissəsində sıxlıq yarandığına görə bəzi sürücülər əsk istiqamətdə hərəkət edən avtomobillərin qarşısına çıxmağa cəhd edirlər.

Avtomobili yaşayış evlərinin qarşısı ilə sürərək vaxt qazanmağa çalışan sürücülər əsas hərəkət zolağına çıxa bilmədiklərindən təhlükəli vəziyyət yaradıblar.