Turistləri Nabrana aparan qəzalı körpünün aqibəti necə olacaq?

Bakı-Quba-Rusiya dövlət sərhədi avtomobil yolunun 181-ci kilometrliyində yerləşən körpünün qəzalı olması ilə əlaqədar inşa edilən alternativ yol son günlər yağan leysan yağışlar nəticəsində dağılıb.

Bu səbəbdən sürücülər yenidən qəzalı körpüdən istifadə edirlər.

“Bu yoldan istifadə etmək məcburiyyətindəyik, çünki işə gedib-gəlirik. Körpü çox pis vəziyyətdədir. Buradan dua edə-edə keçirik ki, nəsə olmasın”, – sürücü narazılığını bildirib.

Məsələ ilə bağlı Azərbaycan Avtomobil Yolları Dövlət Agentliyindən bildirilib ki, körpü yaxın müddət ərzində əsaslı təmir olunacaq.