Türkiyədən təxliyə edilən azərbaycanlıların sayı açıqlandı

Türkiyənin zəlzələ bölgəsindən daha 190 nəfər azərbaycanlı Vətənə yola salınıb.

Xarici İşlər Nazirliyindən verilən məlumata görə, qardaş ölkədə təbii fəlakət baş verən gündən indiyə qədər ümumilikdə 9 avtobusla 395 nəfər Azərbaycana göndərilib. Onlardan 183-ü artıq ölkəyə çatıb.

Digər tərəfdən zəlzələ nəticəsində həlak olan soydaşlarımızın sayı da məlum olub. Bildirilib ki, bu günə qədər 4 Azərbaycan vətəndaşının vəfat etdiyi məlumdur.

Xarici İşlər Naziriliyindən o da bildirilib ki, Türkiyənin Qaziantep və Adana şəhərlərindən vətəndaşlarımızın təxliyəsi davam etdiriləcək. Bunun üçün müvafiq tədbirlər həyata keçirilir.