Ucuz şüşələrdən istifadə etməyin riskləri | Ekspertlərdən sürücülərə xəbərdarlıq

“Avtomobil üçün qeyri-orijinal şüşələrin alınması sərfəli həll kimi görünə bilər, lakin bu, bir çox gizli risklər daşıyır”.

Bu barədə rusiyalı avtomobil mütəxəssisi Vadim Strelbitski xəbərdarlıq edib.

O, ilk olaraq bildirib ki, ucuz şüşələr orijinaldan fərqli olaraq asanlıqla zədələnir. Hətta kiçik daş zərbəsi belə dəyişdirilməsi tələb olunan çatlara səbəb ola bilər.

Beləliklə, aşağı davamlılığına görə şüşələrin tez-tez dəyişdirilməsi zərurəti yaranır, bu isə təmir və ya dəyişdirmə üçün əlavə xərclərə səbəb olur.

Bundan başqa, ucuz şüşələr təhlükəsizliyin pisləşməsinə gətirir. Belə şüşələr görünüşü təhrif edən nahamarlıq və qüsurlara malik olur. Bu çatışmazlıqlar xüsusilə gecə və ya pis havada nəzərə çarpır.

Mütəxəssis belə şüşələrin ultrabənövşəyi şüaların təsiri altında şəffaflığını tez itirdiyini qeyd edib. Bir neçə ay istifadədən sonra cızıqlar, sarılıq və tutqunluq əmələ gəlir ki, bu da görünüşü pisləşdirir.