Ukraynalı jurnalist minalanmış Füzulidə
Ukraynanın “Ukraine Now” informasiya agentliyinin əməkdaşları Azərbaycana səfər edib.
Səfər çərçivəsində onlar 2020-ci ilin oktyabrın 17-də işğaldan azad edilmiş Füzuli rayonunda olublar. İnformasiya agentliyinin jurnalisti ərazilərimizin ermənilərin basdırdığı minalardan təmizləməsi prosesini izləyib.
Media nümayəndəsi qeyd edib ki, illər ərzində Ermənistanın işğalı altında olan torpaqlarda bu günə qədər 300-ə yaxın insan minaya düşüb, onlardan 50-si həlak olub.
“Minalanmış ərazilər öz həcminə görə Qətər kimi ölkənin ərazisi ilə müqayisə edilir. Bu boyda ərazinin təmizlənməsi bir neçə onilliklər çəkə bilər”, - deyə materialda deyilir. Bundan əlavə olaraq reportajda qeyd olunur ki, Ermənistanın təqdim etdiyi mina xəritələrinin yalnız 25 faizi dəqiq çıxıb.