Utilizasiyaya görə avtomobillər bahalaşa bilər? | Ekspertdən açıqlama

2024-cü ilin fevralın 1-dən ölkəyə gətirilən minik avtomobilləri üçün gömrük rüsumları ilə bərabər, utilizasiya haqqı da alınır.

Nazirlər Kabinetinin müvafiq qərarı ilə istehsal ili 4 ildən 7 ilədək olan maşınlarda bu məbləğ 400 manat, 7 il və daha çox olanlarda isə 700 manatdır.

Bəs daha bir ödənişin tələb olunması avtomobilləri bahalaşdıra bilər?

Nəqliyyat eksperti Eldəniz Cəfərov bildirib ki, köhnə avtomobillər idxal olunan zaman alınan utilizasiya haqqına görə həmin nəqliyyat vasitələrinin qiymətində bir qədər artım ola bilər: “Amma bu, kəskin artım deyil, az miqdarda qiymət yüksəlməsi ola bilər”.

Qeyd edək ki, Prezident İlham Əliyev yanvarın 27-də dövlət büdcəsinin tərkibində “Nəqliyyat vasitələrinin utilizasiyası fondu”nun yaradılması haqqında Sərəncam imzalayıb. Fondun maliyyələşmə mənbələrindən biri də utilizasiya haqqıdır.