Xaçmaz icra başçısı bir qrup şəxsi fəxri fərmanla tərtib etdi

Xaçmaz Rayon İcra Hakimiyyətində 5 mart – Bədən Tərbiyəsi və İdman Günü münasibətilə görüş keçirilib.

İcra başçısı Elnur Rzayev idmançıları və onların məşqçilərini təbrik edib, gələcək yarışlarda uğurlar arzulayıb.

Qeyd edilib ki, rayonda yeniyetmə və gənclərin sağlamlığının qorunması, idmana marağın artırılması məqsədilə həyata keçirilən tədbirlər bu sahənin inkişafı baxımından böyük əhəmiyyət daşıyır.

Görüşdə məlumat verilib ki, xaçmazlı idmançılar ötən bir il ərzində beynəlxalq yarışlarda 3 qızıl, 4 gümüş və 19 bürünc medal qazanıblar.

İdmançılar və onların məşqçiləri göstərilən yüksək diqqət və qayğıya görə Prezident İlham Əliyev və Birinci vitse-prezident Mehriban Əliyevaya minnətdarlıqlarını ifadə ediblər.

Sonda yarışlarda uğur qazanan idmançılar, eləcə də gənc nəslin fiziki və mənəvi cəhətdən sağlam yetişdirilməsində əməyi olan bir qrup şəxs fəxri fərmanla təltif edilib.