Xaçmazda Ağsaqqallar Şurasının illik hesabat iclası | RİH başçısı tədbirdə iştirak etdi

Xaçmaz Rayon Ağsaqqallar Şurasının illik hesabat iclası keçirilib.

Tədbir iştirakçıları əvvəlcə ümummilli lider Heydər Əliyevin abidəsi önünə gül dəstələri düzüb, xatirəsini ehtiramla yad ediblər.

Rayon İcra Hakimiyyətində keçirilən hesabat iclasında ulu öndər Heydər Əliyevin və şəhidlərimizin əziz xatirəsi bir dəqiqləlik sükutla yad edilib.

İcra başçısı Elnur Rzayev ağsaqqalların ölkəmizin ictimai-mədəni həyatında rolundan, yaşlı nəslin nümayəndələrinə göstərilən dövlət qayğısından danışıb, gənclərdə vətənpərvərlik ruhunun aşılanmasında ağsaqqallara hər zaman böyük ehtiyac olduğunu diqqətə çatdırıb.

Respublika Ağsaqqallar Şurasının sədr müavini, Milli Məclisin deputatı Ağalar Vəliyev bildirib ki, ulu öndər Heydər Əliyevin hakimiyyətə qayıdışından sonra ölkəmizin ictimai-siyasi həyatında ağsaqqalların rolu artıb və onların cəmiyyətimizin bütün sahələrində fəallıqları təmin edilib. Bu diqqət və qayğı hazırda Prezident İlham Əliyev tərəfindən uğurla davam etdirilir.

Rayon Ağsaqqallar Şurasının sədri Məhərrəm Abasov illik hesabat məruzəsi ilə çıxış edərək qeyd edib ki, Şuranın üzvləri milli-mənəvi dəyərlərimizin qorunması istiqamətində keçirilən maarifləndirmə tədbirlərində yaxından iştirak edirlər.