Xaçmazda Milli Qurtuluş Günü ilə bağlı tədbir keçirildi | Möhtəşəm konsert proqramı

Xaçmaz rayonunda “Konstitusiya və Suverenlik İli” çərçivəsində Rayon İcra Hakimiyyətinin təşkilatçılığı ilə 15 İyun – Milli Qurtuluş Gününə həsr olunan “Qurtuluş suverenliyimizin təməlidir” adlı bayram konserti keçirilib.

Xudat şəhəri, Nizami Gəncəvi adına parkda təşkil olunan bayram tədbirində Rayon İcra Hakimiyyətinin başçısı Elnur Rzayev, yerli hüquq-mühafizə orqanlarının rəhbərləri, şəhid ailələri, qazilər, ictimaiyyət nümayəndələri və sakinlər iştirak ediblər.

Konsertdə əvvəlcə Azərbaycan Respublikasının Dövlət Himni səsləndirilib. Ümummilli Lider Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

Musiqili gecədə respublikamızın tanınmış incəsənət ustalarının ifasında bir-birindən gözəl mahnılar səsləndirilib. Konsert proqramına möhtəşəm atəşfəşanlıqla yekun vurulub.