Xaçmazda nümunəvi addım | Ağacəkmə aksiyasında kimlər iştirak etdi?

Xaçmazda “Yaşıl dünya naminə həmrəylik ili” çərçivəsində növbəti ağacəkmə aksiyası keçirilib.

Rayon İcra Hakimiyyətinin təşkilatçılığı ilə “31 dekabr – Dünya azərbaycanlılarının Həmrəyliyi Günü” və “Yeni il” ərəfəsində keçirilən ekoloji aksiya “Xanoba” və “Samur” sərhəd-keçid məntəqələri arasındakı avtomobil yolunun kənarında təşkil olunub.

Aksiyada icra başçısı Elnur Rzayev, millət vəkili Ağalar Vəliyev, YAP Xaçmaz rayon təşkilatının sədri Məhəmməd Balaqadaşov, yerli hüquq-mühafizə orqanlarının rəhbərləri, ziyalılar və ictimaiyyət nümayəndləri iştirak edib.

Yerli iqlim şəraitinə uyğun gələn 2400 ədəd şam ağacı əkilib. Əvvəl basdırılan ağaclara aqrotexniki qulluq göstərilib.

Xaçmazda mütəmadi olaraq təşkil edilən ağacəkmə aksiyalarında məqsəd yaşıllıq zonalarını genişləndirmək və sakinlər arasında təbiətə qayğı hissini təbliğ etməkdir.