Xaçmazda Ulu Öndərin anadan olmasının 102-ci ildönümü münasibətilə tədbir keçirildi

Xaçmazda “Konstitusiya və Suverenlik İli” çərçivəsində ulu öndər Heydər Əliyevin anadan olmasının 102-ci ildönümü ilə əlaqədər “Heydər Əliyev ‒ müstəqilliyimizin və suverenliyimizin banisi” adlı konfrans keçirilib.

Konfrans iştirakçıları Heydər Əliyevin abidəsini ziyarət edib, dahi şəxsiyyətin həyat və fəaliyyətinə dair fotostendlərlə tanış olublar.

Tədbirdə Dövlət Himni səsləndirilib. Ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

Konfransda çıxış edən Rayon İcra Hakimiyyətinin başçısı Elnur Rzayev müasir Azərbaycan dövlətinin qurucusu ulu öndər Heydər Əliyevin həyatı və siyasi fəaliyyəti haqqında geniş məruzə ilə çıxış edib.

O qeyd edib ki, müasir tariximizin böyük bir dövrü Heydər Əliyevin adı və fəaliyyəti ilə əlaqədardır. Bu gün Heydər Əliyev siyasətinin Prezident İlham Əliyev tərəfindən uğurla davam etdirilməsi Azərbaycan regionun lider dövlətinə çevrilib. Dövlətimizin ərazi bütövlüyü və suverenliyi tam bərpa edilib.

Çıxış edənlər ulu öndərin respublikamız və xalqımız üçün müstəsna xidmətlərindən söz açıblar.

Tədbirin sonunda Heydər Əliyevin 102-ci ildönümünə həsr olunan “Ən yaxşı təqdimat” respublika müsabiqəsinin qalibi olan Mövlud Əhmədova Fəxri fərman və xatirə hədiyyəsi təqdim olunub.