Xaçmazda yüksək bal toplayan müəllimlərlə görüş | Elnur Rzayev çıxış etdi

Xaçmazda Elm və Təhsil Nazirliyi tərəfindən keçirilən təhsilverənlərin sertifikatlaşdırılması prosesinin test imtahanı mərhələsində yüksək bal toplayan müəllimlərlə görüş keçirilib.

Görüşdə Rayon İcra Hakimiyyətinin başçısı Elnur Rzayev, Quba-Xaçmaz Regional Təhsil İdarəsinin müdiri Coşqun Əliyev, məktəb direktorları və müəllimlər iştirak ediblər.

Tədbiri giriş sözü ilə açan icra başçısı Elnur Rzayev müəllimləri qazandıqları uğur münasibəti ilə təbrik edib, Azərbaycan müəlliminin keçdiyi uzun və şərəfli yoldan danışıb.

Bildirilib ki, əsası ulu öndər Heydər Əliyev tərəfindən qoyulan siyasi kursun məntiqi nəticəsi kimi bu gün ölkəmizdə təhsil sahəsində çox mühüm işlər görülüb. Prezident İlham Əliyevin və Birinci vitse-prezident Mehriban Əliyevanın rəhbərliyi ilə müasir tələblərə cavab verən yeni məktəb binaları inşa olunub, təhsil ocaqlarının maddi texniki bazası xeli yaxşılaşdırılıb. Xaçmazda da bu istiqamətdə ardıcıl tədbirlər davam etdirilir.

Quba-Xaçmaz Regional Təhsil İdarəsinin müdiri Coşqun Əliyev qeyd edib ki, imtahanlarda Xaçmaz rayonu üzrə 343 müəllim iştirak edib. Onlardan 128 nəfəri 50-dən yüksək bal toplayıb, 3 müəllim isə ən yüksək nəticəni göstərərək 60 bal toplayıb.

Görüşün sonunda yüksək nəticə göstərən müəllimlər fəxri fərman təqdim olunub.