Xarici jurnalistlər Laçın yolunda

Şuşada səfərdə olan xarici media nümayəndələri – britaniyalı müxbir Eror Alexsandar və serbiyalı fotoqraf Knezevic Nemanja Laçın-Xankəndi yolunda keçirilən etiraz aksiya ilə tanış olublar. Onlar yolun humanitar məqsədlər üçün açıq olduğuna şahidlik ediblər.

Əcnəbi media nümayəndələri söhbət əsnasında etiraz aksiyası barədə məlumatlandırılıblar. Onlara aksiyanın məqsədi və etirazçıların tələbləri haqda informasiya verilib. Qeyd edilib ki, aksiyanın keçirilməsində məqsəd ekoloji cinayətlərə son qoyulmasıdır.

Bildirilib ki, yol humanitar məqsədlər üçün tam açıqdır və heç bir blokadadan söhbət gedə bilməz. Bununla yanaşı, əcnəbi jurnalistlər Azərbaycanın işğaldan azad olunan ərazilərində, xüsusən də Şuşada aparılan bərpa və yenidənqurma işləri barədə məlumatlandırılıb.

Həmçinin qonaqlar mədəniyyət paytaxtımız Şuşada mövcud olan tarixi yerləri ziyarət ediblər. Onlar işğal dövründə şəhərdə ermənilərin törətdiyi vandalizm nümunələri ilə əyani şəkildə tanış olublar.