Xərçəng xəstəliyinin əlamətləri | Rusiyalı həkimlərdən vacib xəbərdarlıq

Xərçəng əlamətləri şişin növündən və onun yerindən asılıdır.

Rusiyalı həkim Oksana Drapkinanın fikrincə, xərçəng xəstəliyi çox vaxt səbəbsiz arıqlama ilə müşayiət oluna bilər.

O bildirib ki, bir insan yemək vərdişlərini dəyişmədən və ya məşq etməyə başlamadan çəkisinin ən azı beş faizini itiribsə, mütləq həkimə müraciət etməlidir.

Bundan əlavə, xərçəngin bir əlaməti daimi yorğunluqdur ki, istirahət etməklə bu yorğunluq keçmir. Həmçinin əlamətlərə kəskin respirator virus infeksiyasının başqa simptomları olmadan ağrılı öskürək, udma problemləri və göyərmə, zədə və ya travmaların səbəb olmadığı xroniki ağrılar aid ola bilər.

O.Drapkina xərçəngin digər mümkün əlamətlərinə genişlənmiş limfa düyünləri, xalların xarici görünüşünün dəyişməsi və ya dəridə yeni törəmələrin peyda olması, həmçinin mədə-bağırsaq yolunun və sidik ifrazı ilə bağlı problemlərin, mədədə yanma hissi, qəbizlik, ishal, tez-tez sidiyə getmə, bu prosesin ağrılı olması, sidiyin rənginin dəyişməsi, nəcisdə və ya sidikdə qanın olması aiddir.

Onun sözlərinə görə, bir və ya bir neçə simptomun müşayiət olunması həmişə xərçəngə işarə etmir, lakin bu zaman yaxşı olar ki, həkimə müraciət edilsin.