Xəstəxanalarda onlayn növbəyə nə vaxt keçiləcək?

“Onlayn növbə TƏBİB və İTSDA-nın birgə layihəsidir. Bunu mükəmməl şəkildə və dayanıqlı etməliyik, qarşımıza qoyulan tələb budur. Bu, çox böyük layihədir. Hazırda klinikamızda yalnız uroloji şöbədə bunu həyata keçirə bilirik”.

Bu sözləri icbari tibbi sığorta çərçivəsində ödənişsiz olaraq ilk dəfə icra olunan və aorta damarının anevrizmasının qapalı yolla bərpası ilə əlaqədar brifinqdə Yeni Klinikanın direktoru Barat Yusubov deyib.

O qeyd edib ki, onlayn növbə şöbədə iki növbə şəklində açılıb:

“Yanvarın 7-dən bu sistem oftalmoloji sahədə və infeksion xəstəliklərlə bağlı da tətbiq olunacaq”.