Xocalı soyqırımı ilə bağlı mitinq keçirilib
Avstriyanın paytaxtı Vyanada Xocalı soyqırımının 31-ci ildönümü ilə bağlı aksiya keçirilib.
Aksiyaya 31 ölkənin 74 şəhərindən mindən çox soydaşımız, icma üzvləri, diaspor təşkilatlarının təmsilçiləri və ölkəmizə dost münasibəti bəsləyən xalqların nümayəndələri qatılıblar.
Azərbaycanın Dövlət Himninin səsləndirilməsi ilə başlayan aksiyada vətənin ərazi bütövlüyü uğrunda canlarından keçən şəhidlərimizin və Xocalı soyqırımı qurbanlarının əziz xatirəsi 1 dəqiqəlik sükutla yad edilib. Soydaşlarımız, eləcə də onlara dəstək verən əcnəbilər Azərbaycanın və yaşadıqları ölkələrin bayraqlarını dalğalandırıb, Xocalı soyqırımının tanıdılmasını, eləcə də dünyadan ədalət gözləntilərini əks etdirən şüarlar yazılan plakatlar nümayiş etdiriblər.
Aksiya iştirakçıları Xocalı soyqırımı ilə bağlı məlumatları ingilis, serb, alman, italyan, fransız, yunan, polyak, ivrit, Azərbaycan, gürcü, Norveç, fin, ispan, türk dillərində diqqətə çatdırıb, bu dəhşətli hərbi cinayətə hüquqi-siyasi qiymətin verilməsini, günahkarların Beynəlxalq Ədalət Məhkəməsi qarşısında cavab vermələrini tələb ediblər.
Heydər Əliyev Fondu tərəfindən hazırlanan və Xocalı soyqırımına həsr edilən sənədli filmin nümayiş olunduğu aksiyada soyqırımı qurbanları klassik musiqi nömrələrinin səsləndirilməsi ilə xatırlanıb, yerli ictimaiyyətin marağına səbəb olan fləş-moblar keçirilib. Xocalı soyqırımı ilə bağlı məlumatları əks etdirən kitab, buklet, broşür və materiallar şəhər ictimaiyyətinə paylanılıb. Sonda aksiyanın bəyanatı ingilis və alman dillərində təqdim olunub.
#Xocalı teqi istifadə olunub
- Xocalı – faciədən dirçəlişə uzanan yolun hekayəsi: nələr yaşandı? - GÖR NƏLƏRİ QAYTARMIŞIQ!
- Xocalıda tekstil sahəsində yeni istehsal müəssisəsi istifadəyə verilib - Baku TV
- “Qarabağ Tekstil Evi” müəssisəsi istifadəyə verilib
- Dövlət başçısı Xocalıda hərbi qulluqçular üçün nəzərdə tutulan fərdi evlərdəki şəraitlə tanış olub
- İlham Əliyev Xocalı şəhərində “Qarabağ Tekstil Evi” MMC-nin açılışında iştirak edib - Baku TV
