Xocalıda amansızca qətlə yetirilən 5 yaşlı qızın kimliyi bilinəcək | Detallar açıqlandı

Şəhidlər xiyabanında Xocalıda qətlə yetirilən və kimliyi bilinməyən 5 yaşlı qızın məzarı açılıb.

Məlumata görə, yaxın günlərdə burada dəfn edilən körpənin kimliyi ictimaiyyətə açıqlanacaq.

İndiyədək təsdiqlənmiş yeganə fakt budur ki, həmin uşaq 1992-ci il Xocalı faciəsi zamanı həyatını itirən 63 azyaşlıdan biridir.

Xatırladaq ki, işğaldan azad olunan ərazilərdə aparılan araşdırmalar zamanı 27 kütləvi məzarlıq aşkar edilib. Bu kütləvi məzarlıqlarda 187 nəfərə aid olduğu ehtimal edilən insan qalıqları aşkarlanaraq çıxarılıb və 59 nəfərin kimliyi müəyyənləşdirilərək dəfn edilib. İtkin kimi qeydə alınan 4000 nəfərin taleyi hələ də bəlli deyil.

Qeyd edək ki, Xocalı soyqırımı nəticəsində isə 63-ü uşaq, 106-sı qadın, 70-i qoca olmaqla 613 Xocalı sakini qətlə yetirilib. 1275 nəfər isə əsir götürülüb. Əsir götürülənlərdən 150 nəfərin, o cümlədən 68 qadın və 26 uşağın taleyi bu günə kimi məlum deyil.