Yaddaşın daha davamlı olmasını təmin edən nüanslar | Avstriyalı tədqiqatçılardan unikal araşdırma

Yeni araşdırmalara görə, insan hipokampusunun sinir naqilləri yaddaşın effektiv bərpası və saxlanması üçün yüksək optimallaşdırılmış struktur təqdim edir.

Dənizatı formasına bənzəyən hipokampus məməlilərin beyninin hər iki yarımkürəsində yerləşir. İnsan hipokampusunun “CA3” subregionunda təxminən 1,7 milyon piramidal sinir hüceyrəsi var.

Tədqiqatçılar epilepsiya müalicəsi üçün beyin əməliyyatı keçirən 8 xəstədən əldə olunan hipokampus toxumalarını analiz edərək insan piramidal hüceyrələrinin xüsusiyyətlərini öyrəniblər. Riyazi modelləşdirmə əsasında aparılan təhlillər göstərir ki, yaddaşın bərpası və saxlanması seyrək, lakin güclü sinir bağlantıları ilə optimallaşdırılıb. Bu dizayn yaddaşın daha davamlı və dəqiq işləməsini təmin edir.

Araşdırma yaddaş mexanizmlərini anlamaq üçün beynin mürəkkəb və incə işləyən sistemlərini daha yaxından öyrənməyin vacibliyini vurğulayır.