Yağış yağacaq, şimşək çaxacaq | Hava haqqında məlumat

Mayın 17-si günün birinci yarısında Bakıda və Abşeron yarımadasında arabir yağış yağacağı gözlənilir.

Bu barədə Milli Hidrometeorologiya Xidmətindən məlumat verilib.

Bildirilib ki, yarımadanın bəzi yerlərində yağıntıların qısamüddətli intensivləşəcəyi, şimşək çaxacağı ehtimal olunur. Arabir güclənən şimal-qərb küləyi əsəcək. Küləyin maksimal sürətinin 15-18, bəzi yerlərdə 20-23 m/s-dək çatacağı proqnozlaşdırılır.

Bölgələrdə də yağıntılı hava şəraiti mayın 18-dək davam edəcək. Bəzi yerlərdə şimşək çaxacaq, arabir yağış yağacaq. Ayrı-ayrı yerlərdə yağıntıların leysan xarakterli intensiv olacağı, şimşək çaxacağı, dolu düşəcəyi, yüksək dağlıq ərazilərdə isə qar yağacağı ehtimal olunur.

Havanın maksimal temperaturu Aran rayonlarında 15-20, dağlıq ərazilərdə isə 4-8 dərəcə isti olacaq.