Yağışdan sonra Bakının bəzi yolları su altında qaldı | "Yolları qazıblar, amma baxan yoxdur"

Bakının bitməyən infrastruktur problemi yenidən gündəmdədir. Baku TV-nin xəbərinə görə, paytaxtda müşahidə olunan intensiv yağışlardan sonra bir çox küçə və prospektlər su altında qalıb. Xüsusilə Binəqədi, Sabunçu və Suraxanı rayonlarının bəzi ərazilərində hərəkət tamamilə iflic olub. Sakinlər bildirirlər ki, yolların qazılması və təmir işlərinin yarımçıq qoyulması vəziyyəti daha da ağırlaşdırıb. "Yolları qazıblar, amma baxan yoxdur" deyən vətəndaşlar, kanalizasiya sisteminin işləməməsindən və hər yağışdan sonra eyni mənzərənin təkrarlanmasından şikayətçidirlər. Reportajda su basmış ərazilərdən ən son görüntülər, sürücülərin üzləşdiyi çətinliklər və aidiyyatı qurumların məsələyə münasibəti yer alıb. Paytaxtın "yağış sınağı" və həllini gözləyən yollar Baku TV-də.