Yasamalda sakinlər binadakı təmir işlərindən narazıdır

Yasamal rayonu, Hüseyn Cavid prospektində yerləşən yaşayış binalarından birinin sakinləri təmir işlərindən narazıdır.

Sakinlər binanın girişində dəyişikliklər aparan tikinti şirkətindən şikayətçi olduqlarını bildirirlər. Onların iddiasına görə, aparılan tikinti işləri binanın strukturuna ziyan verir, divarlarında çatlar əmələ gətirir.

Tikinti şirkətinin rəsmisi isə bildirib ki, qanuna zidd heç bir iş aparılmır. Binada son tamamlama işləri həyata keçirilir ki, bu da binanın konstruksiyasına heç bir zərərli təsir göstərmir.