Yoldakı tozun hamısı evin içindədir | Qazaxın bataqlığa çevrilən mərkəzi küçələri

Qazaxın Şah İsmayıl Xətai, Babək, Nəsrəddin Tusi və Fərrux Ağa Qayıbovun adını daşıyan mərkəzi küçələrində 2 mindən çox əhalinin hər gün istifadə etdiyi yol baxımsızlıqdan keçilməz haldadır.

Sakinlər yağış yağanda yoldan sel keçdiyini, hərəkət etməyin mümkün olmadığını söyləyiblər:

“Küçəyə baxan yoxdur. Toz-torpaq evin içindədir. Yoldan keçə bilmirik. Maşını olan keçir, mən boğazımdan kəsib 50-100 manat taksiyə vermək məcburiyyətində qalıram. Buranın böyükləri haradadır? Onlara çatdırın ki, palçığın içində qırılırıq”.