Yoxluğu ilə razılaşsam, dəli olaram... | Oğlunu hər gün ziyarət edən şəhid anası

“Yağışda da, qarda da onu ziyarət edirəm. Elə bilirəm, Rüfət məni burada gözləyir. Gəlməsəm, tək qalar, inciyər”.

Bunu Baku TV-yə açıqlamasında Vətən müharibəsi şəhidi Rüfət Mustafayevin anası Afət Həsənova deyib.

Şəhid oğlunun məzarını hər gün ziyarət edən ana övladının yoxluğu ilə razılaşmağın onun üçün çətin olduğunu söyləyib:

“Bütün valideynlər kimi mənim də arzularım var idi. Gözləyirdim, gələcək, ona toy edəcəyəm. Rüfətin həmişə yanımda olduğunu hiss edirəm. O, yaşayan mələkdir. Rüfətin yoxluğunu hiss etsəm, dəli olaram”.