Yükü 11-ci mərtəbəyə beldə daşıyırlar | Abşeronda ölüm təhlükəsi saçan lift

Abşeron rayonunda yeni tikilmiş binalardan birinin lifti qəzalı vəziyyətdədir.

Sözügedən binada yaşayan sakinlər deyirlər ki, lift tez-tez xarab olduğu üçün ondan normal qaydada istifadə edə bilmirlər.

Onlar liftin uşaqlar üçün yaratdığı təhlükədən də narahat olduqlarını söyləyiblər.

“11 mərtəbəli bina üçün 3 nəfərin çətinlikə sığdığı lift qoyublar. O da ki əksər günlər işləmir. İnsanlar 11-ci mərtəbəyə yük daşımalı olurlar”, – deyə sakinlər narazılıq bildiriblər.