Yumurta və toyuq ətini illərdir səhv istifadə edirik? – Mütəxəssislər xəbərdarlıq etdi

Aldığımız qidaları yeməzdən əvvəl yumaq onların təmizlənməsini təmin etsə də, bu qayda hər qida üçün keçərli deyil. Bəzi qidaları istifadə etməzdən əvvəl yumaq olmaz.

Məsələn, yumurta qabığında bakteriyaların içəri girməsini əngəlləyən qoruyucu bir təbəqə var. Yumurtanın yuyulması bu qoruyucu təbəqəyə zərər verir və bakteriyaların çoxalmasına səbəb ola bilər. Bu bakteriyaların yumurtaya daxil olması sağlamlığımız üçün təhdiddir.

Göbələklər süngərəbənzər bir quruluşa malikdir və suyu asanlıqla özlərinə çəkirlər. Göbələyin yuyulması onun içində su toplanmasına və bişirilərkən dadının dəyişməsinə yol açır. Bundan başqa bakteriyaların su ilə birlikdə göbələyin iç quruluşuna daxil olmasına gətirib çıxarır. Buna görə göbələkləri yumaq tövsiyə edilmir.

Toyuq əti Salmonella kimi ciddi sağlamlıq problemlərinə yol aça biləcək bakteriyaları daşıya bilər. Çiy halda toyuğun yuyulması bu bakteriyaların mətbəx səthinə və istifadə etdiyimiz alətlərə yayılmasına səbəb olur. Bişirərkən bu bakteriyalar tamamilə öldüyü üçün toyuğu yuyub bişirməyə ehtiyac yoxdur.

Balığın səthində olan təbii yağlar onun faydalarını və təbii dadını qoruyur. Balığı yuduqdan sonra bişirmək bu xüsusiyyətlərin itməsinə gətirib çıxarır.

Makaron isə özündə bol miqdarda nişasta ehtiva edir. Onun yuyulması makaronun konsistensiyasına, eləcə də dadına mənfi təsir göstərir.