Zəhmət çəkib vətəndaşlara hesabat versinlər | Deputatdan tələb

“Yol və yollardan istifadə ilə bağlı müəyyən qaydalar tətbiq olunarkən ilk olaraq vətəndaşların rahatlığı, rifahı nəzərə alınmalıdır”.

Bunu Milli Məclisin iclasında deputat Hikmət Məmmədov deyib.

“Yollarda sürət həddinin müəyyənləşdirilməsi ilə bağlı məsələ var. Sürət məhdudiyyətləri qoyanlar hesabat, müqayisəli təhlil təqdim etsinlər ki, sürət həddi endiriləndə nə qazanırlar, qəzalar nə qədər azalır, vətəndaş nə qədər vaxt qazanır? Sürət 110 km/saat olanda qəza nə qədər olub, saatda 90 km olanda nə qədər qəza baş verib? Zəhmət çəkib hesabatla çıxış etsinlər.

Sürət həddi aşağı saldıqda yanacaq sərfiyyatı artır, özümüz-özümüzü zəhərləyirik. Sürət həddinin azaldılması vətəndaşlarda stress də yaradır və həm də sağlamlığımıza təsir edir. Eyni məsələlər Bakı-Quba, Bakı-Gəncə yoluna da aiddir. Sürət həddi bu yollarda da 110-dan 90-a endirilib”, – o vurğulayıb.