100 illik araşdırmanın nəticələri açıqlandı | Tükürpərdici detallar
Vyana Universitetinin mütəxəssislərinin rəhbərlik etdiyi beynəlxalq alimlər qrupu təxminən 100 il əvvəl Türkiyənin Efes xarabalıqlarında tapılan kəllə sümüyünü tədqiq ediblər.
Uzun müddətdir ki, qalıqların məşhur Misir kraliçası Kleopatranın ögey bacısı IV Arsinoeyə aid ola biləcəyi ehtimal olunurdu.
Naməlum şəxsin tam skeletinin olduğu sarkofaq 1929-cu ildə Avstriya arxeoloqları tərəfindən aşkar edilib. Tədqiqatçılar kəlləni Vyanaya aparıblar, lakin sonrakı onilliklər ərzində elm adamları qalıqların kimliyini müəyyən edə bilməyiblər.
1990-cı illərdə sarkofaqdakı skeletin IV Arsinoeyə aid ola biləcəyinə dair bir nəzəriyyə ortaya çıxdı. Bunu dolayısı ilə tarixi faktlar göstərir ki, Arsinoe eramızdan əvvəl 41-ci ildə bacısının sevgilisi Mark Antoninin tələbi ilə Efesdə edam edilib.
Yeni araşdırmada komanda bu fərziyyələrə son qoyub. Efesdən gələn kəllənin IV Arsenoeyə aid olmadığı sübut edilib. Mikrokompüter tomoqrafiyası, kütləvi spektrometriya və genetik analizin nəticələri göstərdi ki, sarkofaqdakı skelet 11-14 yaş arası yeniyetmə oğlana məxsusdur.
#Türkiyə teqi istifadə olunub
- "Caucasus Eagle 2026" hərbi təlimi nəyə hesablanıb? - 3 ölkənin verdiyi mesaj - HƏRBİ XRONİKA
- Türkiyədə yenidən Rusiya-Ukrayna danışıqları baş tutacaq?
- Türkiyə Prezidentindən önəmli görüş | Nələr müzakirə edildi?
- Kallas jurnalistin Türkiyə ilə bağlı təxribatçı sualına sərt cavab verdi
- Yaxın Şərqdə yeni dövr: Türkiyənin liderliyində yeni nizam formalaşır? - AKTUAL GÜNDƏM
