11 istiqamətdə hücuma keçdilər | Rusiya-Ukrayna müharibəsində dəhşət dolu gecə

Rusiya və Ukrayna arasında 11 istiqamətdə 176 hərbi toqquşma qeydə alınıb.

Ən gərgin döyüşlər Pokrovskda qeydə alınıb. Ukrayna silahlı qüvvələri Rusiya ordusunun 57 hücumunun qarşısını alıb.

Odessa dron hücumuna məruz qalıb. Çoxmərtəbəli binalar zədələnib, yanğın qeydə alınıb. Şəhərin meri Qennadiy Truxanov bildirib ki, gecə saat 2-dən sonra partlayışlar baş verib.

Dnepropetrovska da pilotsuz uçuş aparatları ilə hücum həyata keçirilib. Dövlət müəssisələri və mülki infrastruktura ziyan dəyib.

Donetsk vilayətinin Kramatorsk şəhərinə isə Rusiyanın hücumları nəticəsində 1 uşaq ölüb, 5 nəfər yaralanıb.

Sumı da hədəf alınıb. Yaşayış binası atəşə tutulub, 14 nəfər yaralanıb.

Rusiyanın hava hücumundan müdafiə qüvvələri isə Ukraynaya aid 35 PUA-nı məhv edib. Dronlar Bryansk, Rostov, Kaluqa, Samara, Moskva, Tula, Belqorod, Kursk vilayətləri və Qara dəniz üzərində zərərsizləşdirilib.