“3 günə 24 gəmi məhv edilib” | Müharibədə kritik dönüş? - Baku TV

ABŞ və İsrailin həyata keçirdiyi əməliyyat çərçivəsində İran Hərbi Dəniz Qüvvələrinə məxsus 24 gəmi məhv edilib.

Bunu ABŞ Prezidenti Donald Tramp bildirib.

Onun sözlərinə görə, bu gəmilər üç gün ərzində məhv edilib.

“Onların artıq hərbi donanması yoxdur. Üç gün ərzində 24 gəmi”, – deyə Tramp qeyd edib.

ABŞ Prezidenti həmçinin bildirib ki, İranın hərbi hava qüvvələri, hava hücumundan müdafiə sistemi və hərbi komanda-idarəetmə infrastrukturu, eyni zamanda raketlərinin təxminən 60 faizi, raket buraxılış qurğularının isə 64 faizi məhv edilib.

Onun sözlərinə görə, İran tərəfi Vaşinqtonla razılaşma əldə etmək üçün əlaqə saxlayır, lakin ABŞ hazırda danışıqlardan daha çox hərbi əməliyyatlara üstünlük verir:

“Onlar zəng edib soruşurlar ki, razılaşmanı necə əldə etmək olar? Mən isə cavab verirəm ki, artıq gecikiblər. Hətta hazırda biz onlardan daha çox müharibə istəyirik”.

O qeyd edib ki, ABŞ gələcəkdə İranı idarə edəcək istənilən rəhbərliyin ölkəni ABŞ, İsrail və digər dövlətlər üçün təhlükə mənbəyinə çevirməsinə imkan verməyəcək.