35 əsgər zəhərləndi: ermənilər kütləvi zəhərlənməni gizlətməyə çalışır

Ermənistan Ordusunda kütləvi zəhərlənmə baş verib. Bu barədə məlumat Ermənistan mətbuatında yer alıb.

Məlumata görə, Vardenisdəki hərbi xəstəxanaya zəhərlənmə əlamətləri ilə 35 nəfər yerləşdirilib. Ermənistan Müdafiə Nazirliyi isə jurnalistlərin sorğusuna cavab olaraq bildirib ki, kütləvi zəhərlənmə olmayıb, guya yalnız bir nəfər xəstəxanaya yerləşdirilib.

Məlumatda o da qeyd olunub ki, nəşrə daxil olan məlumatlar tam əksini göstərir. Belə ki, Ermənistan Müdafiə Nazirliyi bu bəyanatı dərc edərkən daha 20-yə yaxın hərbçi xəstəxanaya müraciət edib.

“Hərbçilərin ümumi sayı artıq 35-dir və bu rəqəm durmadan artır. Ermənistan hakimiyyəti hər şeyi təkzib etsə də, xəstəxanaya yerləşdirilənlərin valideynləri jurnalistlərə zəng edərək xəstəxanaya getdikcə daha çox zəhərlənənlərin aparıldığını bildirirlər”, – deyə məqalədə bildirilib.