Pleyeri seçin:
60 milyon dollarlıq gəmi vuruldu | Rusiyaya gözlənilməz zərbə
Ukrayna Baş Kəşfiyyat İdarəsinin xüsusi təyinatlıları PUA ilə Novorossiysk yaxınlığında Rusiya Federasiyasının Qara dəniz akvatoriyasında "MPSV07" layihəli gəmisini məhv ediblər.
Sentyabrın 11-də Ukrayna Müdafiə Nazirliyinin Baş Kəşfiyyat İdarəsinin "Telegram" kanalında verilən məlumatda bildirilib ki, gəminin dəyəri təxminən 60 milyon dollardır.
Rusiyanın cəmi 4 belə gəmisi var. Məhv edilən "MPSV07" çoxfunksiyalı gəmi 2015-ci ildə istismara verilib. Bu gəmi dalğıc sistemləri, məsafədən idarə olunan maşınlar və elektron kəşfiyyat avadanlıqları ilə təchiz olunub. Gəmidən xüsusilə dəniz dibini tədqiq etmək üçün istifadə edilə bilər.
Hücum zamanı məhv edilmiş gəmi elektron kəşfiyyat aparıb və Rusiya Federasiyasının Krasnodar diyarının Novorossiysk şəhərinin körfəzinin yaxınlıqlarında patrul xidməti həyata keçirib. Baş Kəşfiyyat İdarəsindən verilən məlumata görə, zərbə elektron döyüş texnikasını sıradan çıxarıb.
Kopyalandı
