AB və Rusiya arasında hərbi toqquşma yaxınlaşır? - Makrona sərt reaksiya

“Fransa Prezidenti Emmanuel Makron Parisin ABŞ-nin Avropadakı hərbi və nüvə mövcudluğunu məhdudlaşdıracağı təqdirdə AB-yə üzv dövlətlərə nüvə təhlükəsizliyi zəmanəti verməyə hazır olduğunu bəyan etməklə ambisiya göstərir və bu, Avropa qitəsində kəskin hərbi-siyasi böhranın inkişafına təkan verə bilər”.

Bu sözləri “Milli Müdafiə” jurnalının baş redaktoru İqor Korotçenko deyib.

O qeyd edib ki, Makron dünyanı mümkün Üçüncü Dünya müharibəsi astanasına qoymaqla balanslaşdırır:

“Başa düşməliyik ki, Makronun bəyanatı Ukrayna böhranının həlli üçün Zelenskinin, eləcə də AB ölkələrinin heç bir iştirakı olmadan ABŞ və Rusiya arasında birbaşa danışıqların başlanması ilə bağlıdır. Paris Moskva və Vaşinqtonun sülh təşəbbüslərini dəstəkləmək əvəzinə faktiki olaraq tamamilə əks istiqamətdə hərəkət edir”.

Korotçenkonun fikrincə, bununla bərabər Makronun hansısa “sülhməramlı missiya”nı yerinə yetirmək üçün Ukrayna ərazisinə Fransanın milli hərbi kontingentini daxil etməyə hazır olduğunu deməsi Avropa qitəsində hərbi-siyasi gərginliyin yeni mərhələsi və AB ilə Rusiya arasında genişmiqyaslı hərbi-siyasi toqquşma yaratmaq üçün təxribatdır:

“Rusiya sülh danışıqları ilə paralel olaraq Ukraynaya xarici qüvvələrin yeridilməsi ilə bağlı elan edilmiş planlara AB-nin müvafiq ölkələrinin rus ordusuna qarşı hərbi əməliyyatlara girməsi kimi baxacaq və onların aqressivliyinə qarşı öz arsenalında mövcud olan bütün qüvvə və vasitələrdən istifadə edəcək”.