ABŞ admiralından ABŞ prezidentinə sərt çağırış - Tramp bunu edərsə...

“Biz istəyirik ki, Putin danışıqlara başlasın. Bu isə yalnız güclü təzyiq altında mümkündür”.

Bunu “The Hill” nəşrinə müsahibəsində NATO-nun birləşmiş qüvvələrinin sabiq ali baş komandanı, istefada olan admiral Ceyms Stavridis bildirib.

O, ABŞ-ni və onun müttəfiqlərini Ukraynaya yalnız müdafiə deyil, həm də hücum xarakterli silahlar təqdim etməyə çağırıb.

Onun fikrincə, yalnız bu cür təzyiq Rusiya Prezidenti Vladimir Putini danışıqlar masasına oturmağa məcbur edə bilər.

Sabiq admiral əlavə edib ki, Patriot zenit-raket sistemləri həyati əhəmiyyət daşıyır, lakin müharibənin gedişatını dəyişmək üçün bu, yetərli deyil.

O, Ukraynaya “Harpoon”, “HIMARS” və bir neçə “F-16” döyüş təyyarəsinin verilməsini təklif edib.

Ağ Ev rəhbəri Donald Trampın Rusiyaya qarşı sərt mövqeyini dəstəkləyən Stavridis “Putin atəşkəsi qəbul etməyə məcbur edilməlidir. Bunun üçün isə yalnız diplomatiya kifayət deyil, həm hərbi, həm də iqtisadi real təzyiq lazımdır”, ‒ deyə sonda qeyd edib.