“ABŞ artıq qonaqlarda mənfi təəssürat yaradıb” | Nensi Armor

ABŞ-də keçirilən futbol üzrə dünya çempionatı hələ başlamasa da, ölkə artıq qonaqlarda mənfi təəssürat yaradıb.

Bu barədə "USA Today" qəzetinin idman icmalçısı Nensi Armorun məqaləsində qeyd olunub.

Müəllif yazır ki, ABŞ milli komandası turnirdə tarixi nəticələr əldə etsə belə, bu, ölkənin özünü "nifrət və tamahkarlıqla dolu bir dövlət" kimi göstərməsi faktını dəyişməyəcək.

Armorun fikrincə, çempionat başlamazdan əvvəl iştirakçıların və azarkeşlərin ölkəyə girişinə icazə verilməməsi halları, eləcə də bilet qiymətlərinin süni şəkildə şişirdilməsi ilə bağlı araşdırmalar turnirin imicinə ciddi zərbə vurub.

"Bu dünya çempionatının irsi və utancı məhz bu olacaq. ABŞ-nin ən yaxşı tərəflərini nümayiş etdirmək və futbolun dünyaya bəxş etdiyi sevinci bölüşmək üçün nadir fürsət əldə etmişdik. Lakin bunun əvəzinə özümüzü dünyanın qarşısında ən pis tərəfdən göstərməyi seçdik", – deyə müəllif vurğulayıb.

Məqalədə qeyd olunur ki, dünya çempionatı ABŞ ilə digər ölkələr arasında münasibətlərin yaxınlaşmasına və xarici qonaqların daha yaxşı anlaşılmasına imkan yarada bilərdi.