ABŞ-də tualet kağızı tükənəcək? | Trampın qərarı baha başa gəldi

ABŞ-də tualet kağızı böhranı baş tuta bilər.

Prezident Donald Trampın tariflərlə bağlı verdiyi qərarlar ona baha başa gələ bilər.

Xarici medianın yaydığı məlumata görə, vəziyyət pandemiya zamanı müşahidə edilən tualet kağızı qıtlığına gətirib çıxaracaq.

Kanadanın ən böyük tualet kağızı istehsalçısı “Kruqer Products”ın baş icraçı direktoru Dino Biyankonun sözlərinə görə, ABŞ tualet kağızının təxminən 10%-ni idxal edir, yarısı isə qonşu ölkədəndir.

Tramp yerli istehsala təşviq edəcəyini iddia edərək Kanadaya ehtiyac olmadığını bəyan etsə də, sahibkarlar onunla razılaşmırlar.

Qeyd edək ki, davam edən ticarət mübahisəsinin fonunda ABŞ Kanada taxtasına 14%-dən çox rüsum tətbiq edir. Tramp administrasiyası rüsumu 27%-ə çatdırmağı planlaşdırır. Bu qərarın tərəflər arasında münasibətləri daha da gərginləşdirəcəyi ehtimal olunur.