ABŞ-dən "Wagner"ə böyük zərbə

ABŞ Maliyyə Nazirliyi Rusiyanın "Vaqner" özəl hərbi şirkətini transmilli cinayətkar təşkilat kimi tanıyıb.

Bu barədə ABŞ-nin maliyyə naziri Canet Yellen məlumat verib. Nazir bildirib ki, rəsmi Vaşinqton şirkət və onun təsisçisi Yevgeni Priqojinlə əlaqəli strukturlara qarşı yeni sanksiyalar tətbiq edib.

"Vaqner" qrupuna, eləcə də onların tərəfdaşlarına və Rusiya hərbi kompleksini dəstəkləyən digər şirkətlərə qarşı yeni sanksiyalar Putinə onun hərbi maşınını silahlandırmağa və təchiz etməyə mane olacaq", - deyə maliyyə naziri qeyd edib.