Pleyeri seçin:
ABŞ Ermənistan şirkətlərinə sanksiya tətbiq etdi
ABŞ Ermənistanın müəssisəsinə və bu ölkədə qeydiyyatdan keçən daha bir neçə şirkətə sanksiya tətbiq edib.
Sənəd ABŞ-nin federal reyestrində dərc edilib və mayın 23-də qüvvəyə minəcək. ABŞ Ticarət Nazirliyi Ermənistanın “Medisar” şirkəti də daxil olmaqla, 71 müəssisəyə qarşı ixrac məhdudiyyəti tətbiq edib.
Məlumata görə, Ermənistanda qeydiyyatdan keçən bir neçə şirkət, o cümlədən “Tako” MMC və “Milur Electronics” MMC ABŞ-nin Rusiya əleyhinə sanksiyalarına məruz qalıb. Digər şirkətlər Rusiyanın 69 müəssisəsi və Qırğızıstanın “Tro.Ya” şirkətidir.
Qeyd edilir ki, Ermənistan şirkətlərinin siyahıya salınmasına səbəb onların hərəkətlərinin məhsullarının son alıcısının kim olmasının yoxlanılmasının uğurla başa çatmasına mane olması olub. Ermənistanın bir sıra şirkətləri Rusiyanın ABŞ-nin sankiyaya məruz qalan müəssisələri ilə sıx əlaqədədir.
Kopyalandı
Seçilmişlər
