ABŞ İranın hərbi infrastrukturuna qarşı yeni zərbələr dalğasına başladığını elan edib - Baku TV

ABŞ Silahlı Qüvvələri İrana qarşı ikinci zərbələr dalğasına başlayıb.

Bu barədə ABŞ Silahlı Qüvvələrinin Mərkəzi Komandanlığı “X” sosial şəbəkə hesabında məlumat verib.

“Şərq vaxtı ilə saat 14:00-da ABŞ Silahlı Qüvvələri ardıcıl beşinci gecə İrana qarşı yeni zərbələr dalğasına başlayıb. Məqsəd İranın hərbi potensialını daha da zəiflətməkdir”, – deyə paylaşımda bildirilir.

Daha əvvəl Ağ Evin mətbuat katibi Kerolayn Levitt brifinqdə bildirib ki, İran ABŞ ilə danışıqları davam etdirir.

“Mən bu barədə ABŞ Prezidenti Donald Trampla cəmi bir saat əvvəl danışdım. İran ABŞ ilə danışıqları davam etdirir və ABŞ Ordusu onlara qarşı dağıdıcı zərbələr endirdiyi üçün bizimlə razılaşma əldə etmək istədiyini bildirir”, – deyə o söyləyib.

Kerolayn Levitt Tehranın Hörmüz boğazında ticarət gəmilərinə hücum edərək anlaşma memorandumunun şərtlərini pozması səbəbindən ABŞ Ordusunun İrana zərbə endirdiyini vurğulayıb.

“Donald Tramp həmişə diplomatiyaya açıqdır”, – deyə o, fikirlərini yekunlaşdırıb.