CENTCOM rəhbəri İsraili İrana zərbələri bərpa etməyə çağırıb
Yeniliklərdən dərhal xəbərdar olun
ABŞ Silahlı Qüvvələri Mərkəzi Komandanlığının rəhbəri admiral Bred Kuper İsrailə səfəri zamanı İrana endirilən zərbələri bərpa etməyə çağırıb.
Bu barədə İsrailin 13-cü telekanalı məlumat yayıb.
Kuper ötən həftə İsrailə səfər edib və İsrail Müdafiə Qüvvələrinin Baş Qərargah rəisi Eyal Zamir və digər yüksəkrütbəli hərbçilərlə birlikdə İMQ-nin ali əməliyyat forumunun iclasında iştirak edib.
Telekanalın məlumatına görə, amerikalı admiral İsrail hərbçilərinə İrana qarşı hərbi əməliyyatları bərpa etməyin və qaz, neft və energetika sahələrinin müəssisələri də daxil olmaqla, milli infrastruktur obyektlərinə zərbələr endirməyin zəruri olduğunu bildirib.
"İrandakı infrastruktura hücumlar oyunun qaydalarını dəyişəcək və əhəmiyyətli zərər verəcək. İndiki vəziyyətdə iranlılar öz mövqelərini dəyişməyəcəklər", – deyə Kuper bildirib.
Hərbi rəhbər həmçinin qeyd edib ki, ola bilsin, ABŞ-nin də İrana qarşı hərbi əməliyyatları bərpa etməkdən başqa seçimi olmayacaq.
Daha əvvəl iranlı mənbə "Reuters"ə bildirib ki, ABŞ ilə atəşkəsin uzadılması danışıqları aparılmır. Onun sözlərinə görə, Tehran hesab edir ki, atəşkəs faktiki olaraq qüvvəyə minməyib, çünki razılaşma əldə olunduqdan 48 saat sonra Vaşinqton onu pozub.
#Bred Kuper teqi istifadə olunub
- Yeni müharibə qaçılmazdır? - İsrail, İran və ABŞ arasında daha kritik mərhələ başlayır? - Baku TV
- "İsrail buna mane olmamalıdır" | Livan Prezidenti
- Tramp Netanyahuya İranla bağlı hansı xəbərdarlığı edib?
- Tramp Ukrayna və İran danışıqlarına generallarını göndərir
- İrana məxsus PUA-nı vuran pilotla söhbət aparılıb
