ABŞ Mərkəzi Kəşfiyyat İdarəsinin Xameneini izləməsi ilə bağlı detallar açıqlandı - Baku TV

01 mart 2026 146 baxış

Amerika Birləşmiş Ştatlarının Mərkəzi Kəşfiyyat İdarəsi İranın ali dini lideri Ayətullah Əli Xameneini uzun müddət yaxından izləyərək onun dəqiq yerini və hərəkət marşrutlarını müəyyən edib.

Bu barədə "The New York Times" nəşri kəşfiyyat mənbələrinə istinadən xəbər yayıb.

Məlumata görə, Mərkəzi Kəşfiyyat İdarəsi aylarla davam edən izləmələr nəticəsində Ə.Xameneinin və İranın ali rəhbərliyinin şənbə günü səhər saatlarında bir araya gələcəyi barədə dəqiq məlumat əldə edib. Bu məxfi məlumat dərhal İsrail tərəfi ilə paylaşılıb və nəticədə, İrana qarşı hərbi əməliyyatın başlama vaxtının dəyişdirilməsinə qərar verilib.

Bildirilir ki, ilkin plana əsasən, Vaşinqton və Təl-Əviv hücumu gecə saatlarında həyata keçirməyi nəzərdə tuturdu. Lakin əldə olunan yeni kəşfiyyat məlumatları rəhbərliyin toplantı vaxtını göstərdiyi üçün əməliyyatın "açılış zərbəsi" məhz həmin görüşün baş tutduğu şənbə gününün sabahına təyin edilib.

#ABŞ Mərkəzi Kəşfiyyat İdarəsi