ABŞ-nin bu yeni silahı müharibələrin gedişatını dəyişdirəcək gücdədir?

ABŞ-də Amerika futboluna bənzəyən ən yeni kamikadze dronu təqdim edilib.

Pilotsuz təyyarə "P.S. Killer" adlanır. O, təkcə formasına görə deyil, həm də istənilən hədəfə hücum etmək üçün əsgərlər tərəfindən əl ilə işə salına bildiyinə görə unikaldır.

Məlumata görə, kamikadze pilotsuz uçan aparatın çəkisi cəmi 800 qramdır və eyni çəkidə faydalı yük daşıya bilir. Həmçinin bildirilib ki, o, saata 250 kilometr sürətə çata bilir. Bundan başqa, dron yükündən asılı olaraq 64 kilometrdən çox uça bilir.

Qurğu öz dəqiq zərbələri ilə döyüş tankları və zirehli texnikanın yaratdığı təhlükələri zərərsizləşdirə bilmə bacarığına malikdir.

Bundan əlavə, döyüş bölgəsindəki əsgərlərə ərzaq, sursat və dərmanların çatdırılmasında da istifadə edilə bilər. Dron açıq dənizlərdə də faydalı ola bilər. O, kəşfiyyat, axtarış, xilasetmə və digər missiyalarda tapşırıqları uğurla icra edə bilər.