ABŞ-nin hücumlarına görə 5000 zenit-raket sistemi işə salındı
ABŞ ordusu daha bir narkotik daşıdığı deyilən gəmiyə zərbə endirib.
Son bir neçə ayda sayca 8-ci olan bu zərbə gecə saatlarında Sakit okeanın şərqində baş verib. Əvvəlki 7 hücum Karib dənizində gerçəkləşdirilib.
Bütün bunlar ABŞ-nin Kolumbiya və Venesuela ilə münasibətlərini gərginləşdirib. Hətta bu iki ölkənin Vaşinqtona qarşı birləşməsi müzakirə olunur.
Venesuela Prezidenti Nikolas Maduro bildirib ki, ölkənin strateji nöqtələrində 5 min “İqla S” zenit-raket kompleksi yerləşdirilib. Əsas məqsəd ölkədə təhlükəsizliyi təmin etməkdir.
Maduronun bu bəyanatı ABŞ-nin Sakit okean və Karib dənizində narkotik daşındığı ehtimal olunan gəmilərə qarşı hərbi əməliyyatları aktivləşdirdiyi vaxt səsləndirilib.
ABŞ-nin müdafiə naziri Pit Heqset bildirib ki, əməliyyat nəticəsində Sakit okeanda 5 narkotacir məhv edilib. Karib dənizində isə öldürülənlərin sayı 32 nəfərdir.
Gəmilərə hücum əmrini ABŞ Prezidenti Donald Tramp verib. Bundan başqa, Tramp Venesueladakı yerüstü obyektlərə də hücum planını təsdiqləyib. Yəni bu, baş versə, ABŞ ilə Venesuela arasında savaş qaçılmazdır. Hər halda məsələ əvvəlcə Konqresdə müzakirəyə çıxarılacaq. Maduro isə Rusiyadan əldə etdiyi raketlərlə bütün mümkün ssenarilərə hazırlaşır.
#ABŞ teqi istifadə olunub
- Donald Tramp İlham Əliyevə davamlı dəstəyinə görə təşəkkür edib - Baku TV
- ABŞ-Ukrayna birgə iqtisadi təşəbbüsləri nəzərdən keçirilib
- Tramp FIFA Sülh Mükafatına layiq görüldü
- Stiv Uitkoff ilə Rusiya Prezidenti arasında görüş necə keçib? - Baku TV CANLI
- Supergüclərin sensasiyalı “sülh oyunu” | Rusiya-ABŞ danışıqlarından sonra nə baş verəcək? - Baku TV
