ABŞ-nin keçmiş Prezidentinə qarşı sui-qəsdlə bağlı iddia

ABŞ səlahiyyətliləri bir neçə həftə əvvəl İranın keçmiş prezident Donald Trampa sui-qəsd planlaşdırması barədə məlumat alıb və bundan sonra Məxfi Xidmət onun mühafizəsini gücləndirib. Bu barədə CNN xəbər verib.

Məlumata görə, Trampa atəş açan 20 yaşlı Tomas Metyu Kruksun sözügedən planla hər hansı əlaqəsi olduğuna dair heç bir sübut yoxdur.

İran isə öz növbəsində ABŞ-nin keçmiş prezidenti Donald Trampa sui-qəsd cəhdində ittihamları rədd edib. Bu barədə İranın BMT-dəki Daimi Nümayəndəliyi bildirib. İranın qurumdakı daimi nümayəndəliyi ittihamların əsassız və qərəzli olduğunu qeyd edib.