ABŞ-nin nüvə obyektlərinə hücumu İrana "dərs" oldu? | Ərağçidən kritik açıqlama

İranın xarici işlər naziri Abbas Ərağçi ölkədə uranın zənginləşdirilməsi prosesinin müvəqqəti dayandırıldığını açıqlayıb.

Nazir “Fox News” telekanalına müsahibəsində bildirib ki, ABŞ tərəfindən nüvə obyektlərinə zərbə endirildikdən sonra İranda uranın zənginləşdirilməsi davam etmir, amma Tehran bunu milli qürur məsələsi hesab etdiyi üçün prosesdən imtina etmək niyyətində deyil. Obyektlərə ziyan dəydiyi üçün proses dayandırılıb.

Qeyd edək ki, iyunun 25-də ABŞ Prezidenti Donald Tramp və müdafiə naziri Pit Heqset İranın İsfahan, Natanz və Fordodakı nüvə obyektlərinin faktiki olaraq yer üzündən silindiyini bildiriblər.

İran Xarici İşlər Nazirliyinin sözçüsü İsmail Bəqai də mətbuat konfransında bildirib ki, İran, Fransa, İngiltərə və Almaniya arasında danışıqların yeni mərhələsi iyulun 25-də Türkiyənin İstanbul şəhərində keçiriləcək.