ABŞ-nin “qələbə"si, İranın yeni strateji gücü | Növbəti zərbəni kim vuracaq? - HƏRBİ XRONİKA

“Hərbi Xronika” rubrikasının yeni buraxılışında ABŞ–İran arasında əldə olunan iki həftəlik atəşkəs və onun ətrafında formalaşan geosiyasi vəziyyət müzakirə olunub.

Qeyd edilib ki, bu razılaşma ilk baxışda deeskalasiya kimi görünsə də, mahiyyət etibarilə növbəti mərhələyə keçid üçün operativ pauza xarakteri daşıyır. Mövcud mərhələdə dərin qarşılıqlı nifrət və “qələbə” anlayışına fərqli yanaşmalar prosesin sülhlə nəticələnməsi ehtimalını sual altına qoyur.

Bildirilib ki, diqqətçəkən məqamlardan biri də İsrailin bu konfiqurasiyada rəsmi tərəf kimi görünməməsidir.

Vurğulanıb ki, tərəflər atəşkəsi fərqli şəkildə təqdim edir: Tramp bunu təzyiq və güc siyasətinin nəticəsi kimi “qələbə” sayır və ABŞ-nin hərbi təzyiq nəticəsində İranı danışıqlara məcbur etdiyini bildirir. İran isə əks mövqe sərgiləyərək atəşkəsi ABŞ-nin geri çəkilməsi kimi qiymətləndirir və Tehranın öz şərtlərinin prosesdə əsas rol oynadığını iddia edir.

Nəticə etibarilə, hər iki tərəf özünü qalib kimi göstərsə də, əsas sual növbəti zərbə qərarını kimin verəcəyi və bunun nəticələrinin necə olacağıdır.