ABŞ-nin rüsumları kimlərə təsir etdi? | Milyarderlər 24 saatda elə itkilər verdi ki...

ABŞ Prezidenti Donald Tramp tərəfindən adi tariflərin tətbiqi pandemiyanın başlanmasından bəri dünyanın ən zəngin insanlarının sərvətində böyük azalmaya səbəb olub.

24 saat ərzində “Bloomberg Billionaires Index” (BBI) üzrə 500 milyarder ümumilikdə 208 milyard dollar itirib. Bu, reytinqin bütün tarixində dördüncü ən böyük azalmadır.

“Meta”nın yaradıcısı Mark Zukerberq ən böyük itkiyə məruz qalıb. Şirkətin səhmləri 9 % ucuzlaşdıqdan sonra sahibkarın kapitalı 17,9 milyard dollar azalıb.

“Amazon”un CEO-su Ceff Bezos da oxşar vəziyyətlə üzləşib. Onun aktivlərinin dəyəri də səhmlərin 9 % azalması səbəbindən 15,9 milyard azalıb. Fevral ayından etibarən “Amazon” səhmləri artıq 25 %-dən çox ucuzlaşıb.

İlon Maskın sərvəti bir gündə 11 milyard dollar, ilin əvvəlindən isə 110 milyard dollar azalıb. Tariflər fonunda “Tesla” səhmləri 5,5 % dəyər itirib.

Digər qurbanlar arasında “Karvana”nın baş direktoru Ernest Qarsiya, “Shopify” baş direktoru Tobi Lütke və şirkətləri Avropa Birliyinin yeni tarifləri ilə üzləşmiş fransız milyarder Bernard Arno da var.

Çinin “Huali” sənaye qrupunun təsisçisi Çjan Konyuan 1,2 milyard dollar itirib. Çində fabrikləri olan ayaqqabı istehsalçıları – “Nike”, “Adidas” və “Lululemon” şirkətlərinin səhmləri 10 %-dən çox ucuzlaşdığı üçün daha çox zərər çəkiblər.

Xatırladaq ki, ABŞ Prezidenti Donald Tramp 185 ölkədən malların idxalına yeni rüsumların tətbiqi haqqında fərman imzalayıb.