ABŞ ordusunda böhran: artıq ordunu istəmirlər
ABŞ-də aparılan son sorğular göstərir ki, ABŞ böyük müharibəyə qoşulsaydı, amerikalı yeniyetmələrin əksəriyyəti ordu sıralarına qoşulmazdı.
Son illər ölkədə orduya işə qəbulla bağlı göstəricilər də xeyli azalıb. Üstəlik, orduda xidmət edənlərin əməkhaqqları da xeyli aşağı düşüb və əksər amerikalı daha yüksək gəlir paketləri axtarır. Halbuki, ABŞ öz hərbi gücü ilə hər zaman fəxr edib və bunun təbliğatını aparıb.
Ümumiyyətlə, peşəkar ordunun olduğu dövlətlərdə insanlar əsasən bir neçə məsələyə görə ordu sıralarına qoşulur. Birincisi, işsizlik, ikincisi, ordunun həbsdən boyun qaçıran cinayətkarlar üçün sığınacaq rolu oynaması, üçüncüsü isə vətənpərvərlik hisslərinin təbliğatı. Lakin müasir dövrdə Qərb dövlətlərinin vətəndaşları üçün bu anlayışlar artıq arxa plana keçib və xüsusi əhəmiyyət kəsb etmir.
Görünür, sadalanan faktların nəticəsidir ki, artıq Pentaqon hərbi xidmət qarşılığında həbsdən qurtulmaq imkanı qazanan cinayətkarların yuvasına çevrilib. Bir sözlə, ordudakı daxili böhran və xaos hər gün öz mənfi təsirini daha çox göstərir. Bu isə beynəlxalq münasibətlər sistemində bəlkə də yeni dövrün başlanğıcıdır.