ABŞ ordusunda nələr baş verir?

“Amerika Birləşmiş Ştatları orduya döyüşməyi bilməyən və birbaşa hərbi fəaliyyətlə bağlı olmayan insanları cəlb edir”.

Xarici media xəbər verir ki, bu fikirləri ABŞ-nin keçmiş prezidenti Donald Trampın administrasiyasında müdafiə nazirinin müşaviri olmuş, hazırda istefada olan polkovnik Duqlas Makqreqor deyib.

Makqreqorun sözlərinə görə, bir çox amerikalılar üçün müasir orduya qoşulmaq anti-faşist hərəkatına qoşulmaq, “Qaraların həyatı önəmlidir” və ya transgender lobbisinə və ya müəllimlərin həmkarlar ittifaqına üzv olmağa bərabərdir. “Buna son qoyulmalıdır, biz faktlara ayıq baxmalıyıq”, – sabiq müşavir deyib.

Bundan əvvəl Makqreqor bildirib ki, ABŞ-nin Ukraynaya verdiyi hərbi texnika çox vaxt yerinə çatmır. O, qeyd edib ki, Vaşinqton Kiyevə milyardlarla dollar dəyərində avadanlıq ötürür, lakin bunun böyük hissəsi qara bazarda görünür.