ABŞ Prezidenti hansı prosesdən geri çəkildi? | Sensasiyalı xəbərin təfərrüatı

Rusiya və ukraynalı həmkarları Vladimir Putinlə Volodimir Zelenski arasında görüş təşkil edə bilməyən ABŞ Prezidenti Donald Tramp prosesdən geri çəkilmək qərarına gəlib.

Bu barədə ABŞ liderinin Administrasiyasının rəsmiləri “The Guardian”a bildiriblər.

Rəsmilər D.Trampın bununla Rusiya-Ukrayna müharibəsini dayandırmaq üçün danışıqlardan geri çəkildiyini deyiblər.

Mənbələr əlavə edib ki, D.Trampın müharibəni bitirmək planlarında növbəti addım V.Putin və V.Zelenski arasında ikitərəfli görüş olmalı idi.

Nəşrin həmsöhbətlərinə görə, D.Tramp müşavirlərinə iki liderlə yalnız onlar öz aralarında görüşdükdən sonra üçtərəfli görüş keçirməyi planlaşdırdığını söyləyib. Amma V.Putin-V.Zelenski görüşünün baş tutub-tutmayacağı hələ bəlli deyil.

D.Tramp Administrasiyasının yüksək səviyyəli rəsmisi qeyd edib ki, bu vəziyyət ABŞ Prezidenti üçün “gözlə-gör” mövqeyi kimi görünür. Ancaq son günlər bu məsələdə irəliləyiş əldə olunmayıb və Ağ Ev hələlik görüşün keçirilə biləcəyi yerlərin siyahısını açıqlamayıb.